Zomato delivery boy hit woman in Bengaluru, punched on her nose. For cancelling order, for delay in food parcel delivery

Bengaluru, Karnatak ki rajdhani. Yaha ki ek mahila jo peshe se model aur makeup artist hain. Unka video social media par viral ho raha hai. 

Jisme woh bata rahi hain ki zomato se unnhone kuch khane ka order kiya tha. Par delay honne ke karan unhone order cancel kar diya. Lekin delivery boy khana dene ghar pohoch gaya. Mahila ne mana kiya toh delivery boy ne mahila ki naak par punch maar diya. 

Mahila ne ghatna ka pura video apni instagram account par share kiya hai.

Mahila ka naam Hitesha Chandrani hai. Unhone video banakar social media par post kiya hai aur police se kaarwai ki maang ki hai. Is mamle me zomato ka bhi jawab aya. Aur police ne kaarwai karte huwe aaropi delivery boy ko arrest kar liya. 

Video me mahila keh rahi hai, "Mera zomato order late ho gaya tha. Aur mai customer care executive se baat kar rahi thi. Ussi dauraan delivery boy ne mujhe hit kiya. Khoon behta dekh wo bhaag gaya."

Hitesha ne kaha ki -

"Mai subah se kaam kar rahi thi, toh maine zomato se kahana order kiya. Afternoon 3:30pm ke aaspaas khana order kiya, jo ki 4:30pm tak deliver hone wala tha. Aur mujhe time par order nahi mila, isliye mai zomato customer care se baat karke order lene se mana kar rahi thi. Par jab delivery boy ghar aya toh, maine darwaja halka sa khola kyuki ghar me pets hain. Toh pets ke wajah se mai pura door kholti nahi. Aur maine uss se wait karne ko  kaha. Kyuki mai customer care executive se baat kar rahi thi. Fir maine delivery boy ko offer diya ki, wo yato order wapas le jaye; ya free me de jaye. Itne par wo chillaneh laga. Kehne laga ki, "kya mai gulam hu tumhara?"

Hitesha ne agey bataya ki delivery boy ne door ko zor se dhakka diya. Naak par punch mara. Gharke andar ghus aya. Khana rakha aur jab dekha ki mere naak se khoon beh raha hai, toh wo bhaag gaya.

Hitesha ne bataya ki unki naak ki surgery hui hai. Unhe high power antibiotics aur pain killer di gayi hain. Jiski wajah se wah baat kar pa rahi hain. Kyuki jaise hi wo baat karti hain, unki ankho se pani behne lagta hai.
Ab woh chahati hain ki, aaropi ke khilaaf kaarwai ho. 

Hitesha ke tweet ke baad, zomato ne tweet kar maafi mangi. Zomato ne kaha ki unhe is ghatna ka khed hai, Aisi stithi dubara na ho weh iski puri kosish karenge. Sath hi zomato ne Hitesha ko police aur medical suvidha dene ki baat ki hai. 

Hitesha ke case me zomato ka kya kehna hai? -
"Hum is ghatna par gehra afsosh jatate hain. Aur is dardnaak experience ke liye, Hitesha se maafi mangte hain. Hum unke contact me hain, aur medically unhe support kar rahe hain. Sath hi mamle ki janch ke liye bhi madat kar rahe hain. Aur humne apne platform se delivery partner ko hata diya hai."

Conclusion -

Social media par video viral hone ke baad Bengaluru Police ne aaropi ke khilaaf action lete huwe, usse arrest kar liya hai. Aur agge ki karwai kar rahi hai. 

Toh ye thi aaj ki khabar. Aise aur updates dekhne ke liye humare aur apne is blog 'Yes Breaking News' ko follow ki jiye. Aur humare social media handles bhi ko zarur se check ki jiye.

Thank You!