Meri Alia Bhatt ka 28th Happy Birthday Celebration 2021

Aaj 15th March hai. Yani ki Bollywood Queen Alia Bhatt ka 28th birthday.

Alia Bhatt ne choti si hi umar me bohot kuch achieve kar liya hai, aur harr films ke sath unke fans badhte hi ja rahe hain.

 

Toh chaliye aaj Alia Bhatt ke birthday ke mauke par hum apko batate hain, Alia ke baare me kuch ansuni batein -

• Alia Bhatt ka janm 15th March, 1993 ko hua.

• Alia ne jabse hosh sambhale the, tabse unhe actress hi banana tha.

• Alia Bhatt ne apni schooling Jamnabai Narsee School se ki hai.

• Bohot kam log ye baat jante hain ki, Alia ke pas British Citizenship hai.

• Alia ki best friend hai, Akansha Ranjan Kapoor. Aur wo dono bachpan se hi dost hain.

• Alia Bhatt padhai me ek average student thi, par extra curricular activities me wo humesha part leti thi.

• Alia ka pehla boyfriend 10th std me bana tha. Aur unka kuch do saal tak relationship chala.

• Alia bhatt 6th std me apne doston ke sath dieting kar rahi thi, aur ussi ke chalte hi wo sub-sports ke period me faint ho gayi thi.

• Alia ka favorite cuisine chinese hai.

• Apne debut se Alia ko kuch 17Kg kam karna pada tha.

• Ye baat kam logo ko pata hai ki, Alia ne Black me Rani ke character ke liye, bachpan me audition diya tha.

• Alia Bhatt ne Ranveer Kapoor ke sath Balika Vadhu theme par, Sanjay Lila Bhanshali ke vision me ek photo shoot kiya tha. Aur tab Alia Bhatt kafi shy thi.

• Alia Bhatt ek bar school me ek race me har gayi thi, jisme wo har saal jitati thi. Us baat ne Alia ko kafi dukhi kiya tha. Kyuki unka manana tha ki jis cheez me unhe interest hai, usme toh kamse kam unhe jitna chahiye.

• Alia Bhatt ka kehna hai ki sabse zyada compliments unhe, unke naak par milte hain.

• Alia Bhatt manti hain ki mauka mille toh wo 12-13 ghante tak so sakti hai.

• Alia Bhatt bhale hi chotisi umar me actress ban gayi ho, par unhone socha tha ki, wo school ke baad 3-4 saal  apne-aap ko taiyaar karengi. Aur fir actress banengi.

• Alia Bhatt 15 din me ek baar hi wo heavy food khati hain, aur baki din wo strict diet par rehti hain. 

• Alia Bhatt pehle ek hardcore non-vegeterian thi. Par ab wo ek vegeterian ban gayi hai. 

• Alia Bhatt kehti hain ki wo ke secretive person hain, aur apne emotions ko kisi se share nahi karti.

• Alia Bhatt ko painting karne ka bhi bohot saukh hai. Aur agar wo actress nahi hoti to, woh arts sikhne abroad jati.

• Alia Bhatt ki debut Student of the year nahi hai, balki Sangharsh hai. Jisme unhone Preeti Zinta ke bachpan ka roll nibhaya tha.

• Alia Bhatt ko dahi khana bohot pasand hai. Itna pasand hai ki, kai baar woh pasta ke sath bhi dahi kha leti hain.

• Alia Bhatt kehti hain ki, Shandaar ka flop hona unke liye ek blessing thi. Kyuki usse pehle wo humesha stessed rehti thi apne career ke baare me. Par is failure ne unka kaam kar diya aur samjha diya ki, film acchi hogi toh accha karegi hi.

• Alia Bhatt bohot emotional hain, aur unhe bohot jald hi rona aa jata hai.

• Alia Bhatt kabhi kabhi alcoholic drinks enjoy karti hain.

• Alia ko mens perfume lagana bohot pasand hai.

• Alia Bhatt belle bhi practice karti hain.

• Kai logo ka kehna hai ki Alia Bhatt ki shakal singer Anaida se kafi milti hai.

• Alia Bhatt ka dream roll hai singer Naziya Hassan ka bio pic.

• Alia ko pehle fashion ka koi saukh nahi tha. Par ab unhe fashion me kafi interest ata hai. 

• Alia Bhatt ko andhere se bohot dar lagta hai. Aur wo kamre me bhi ek choti si light jalakar soti hain.

Ek bollywood fan honne ke nateh humto yehi ummeed karenge ki, Alia Bhatt annewale samay me bhi humme ek se badhkar ek films de aur entertain karte rahe.

Par filhaal Alia Bhatt ko unke 28th birthday ke mauke par "Yes Breaking News" team ki or se dhero subhkamnaye.
Happy Birthday Alia Bhatt 2021.

Thank You!