LIC IPO ke baare me kuch important details reveal hui hain. Aur aaj is blog me, hum uske baare me aapko batayenge.
Budget 2021 me Finance Minister Of India- Nirmala Sitharaman Ji ne kaha tha ki, LIC ka ek IPO ayega financial year 2021 - 2021 me. Government ne Rs 2.1 Lakh Crores ka Disinvestment Target bhi rakha tha. Chief Economic Advisor Dr. Krishnamurthy Subramanian ne kaha ki government 6 to 7% LIC ka stake bech karke Rs 90,000 Crores raise karne ka target rakhegi.
Is valuation ke hisaab se company ka Market Capitalization Rs 12.85 Lakh Crores se Rs 15 Lakh Crores ke bich rahega.
Abhi India ki sabse badi Market Capitalization wali company hai, Reliance- jiska Market Capitalization hai Rs 13.31 Lakh Crores ka.
Toh is plan ke hisaab se LIC, Reliance ko beat karke India ki sabse badi Market Capitalization wali company ban sakti hain.
Ab baat karte hain company ke Financials aur Key Ratios ke baare me-
Life Insurance Sector me LIC ka market share 67.82% ka hai, lekin dheere dheere hi ye Market Share kam hota ja raha hai. Kaaran ki LIC 30 Crore Policies ko serve karti hai aur Company ke paas 22.5 Lakh Agents hain, yaani ki company ka Agent Network kaafi strong hai.
Currently,
Financial Year 2019 - 2020 me, company ne Total Revenue Rs 6.15 Lakh Crores ka kamaya. Aur Profit After Tax Rs 2712.71 Crores ka kamaya. Company ka Net Profit Margin 0.44% ka hai, jo ki industry ke baki peers ke comparison me kaafi kam hai. Pichle 4 saal me company ki sales 9.77% ke rate se compound hui hai aur company ke Profit After Tax 1.88% ke rate se compound huwe hain.
Agar Chief Economic Advisor ke expectation pe jaye toh Company ka P/E ratio, Industry ke P/E ratio ke 10X (10 gunaah) jayega. Jo ki agar dekha jaye toh kaafi unrealistic lagta hai.
Hum aapki jaankari ke liye bata de, ki is Industry ka P/E ratio hai 51.98 ka, HDFC Life Insurance ka P/E ratio hai 105.36 ka aur SBI Life Insurance ka P/E ratio hai 59.81 ka.
Valuation ka ek aur metric banta hai- Price To Sales Ratio
Chief Economic Advisor KV Subramanian ke hisaab se LIC ka Price To Sales Ratio 2.09 se 2.44 ke bich banta hai. Wahi HDFC Life Insurance ka Price/ Sales Ratio 2.71 ka hai aur SBI Life Insurance ka Price/ Sales Ratio 1.30 ka hai.
Government ne announce kiya tha ki wo LIC ke IPO ka 10% amount, policy holders ke liye reserve rakhenge.
Iske alawa SEBI ne kuch din pehle IPO norms me jo changes kare, uske kaaran se LIC ko kaafi faida hone wala hai. Abhi tak rule ye tha ki, issue ke baad company ka jo bhi Market Cap hoga uska minimum 10% ka IPO ka issue hona chahiye, iska matlab agar LIC ka Market Cap Rs 15 Lakh Crores hota toh LIC ko kam se kam Rs 1.5 Lakh Crores ka issue size rakhna hota.
Lekin rule change hone ke baad, ab pubic offer minimum Rs 10,000 Crores + 5% of the Incremental Amount beyond Rs 1 Lakh Crores kar diya gaya hai. Yani ki Agar LIC ka Maket Cap Rs 15 Lakh Crore ka hota, toh LIC ko kam se kam Rs 85,000 Crores ka issue size rakhna padta.
Ab aap puchenge ki LIC IPO ka current status kya hai?-
Toh is time pe LIC ka IPO valuation stage pe hai.
Department Of Investment & Public Asset Management ne milliman advisors ko select kiya hai, LIC ka valuation karne ke liye.
Iske baad company Investment Bankers ke sath milke SEBI ke paas apna DRHB document submit karegi.
News sources ke hisaab se ye IPO, October ke baad hi open hona chahiye. Ye INDIA KA SABSE BADA IPO hoga. Is se pehle INDIA KA SABSE BADA IPO tha "Coal India ka IPO", jiska ki issue size tha Rs 15,314 Crores ka.
Conclusion :-
- Toh ye thi LIC ke IPO ke baare me saari jaankari.
B bye.
Post a Comment