IPL 2021 ke liye 18 February ko mini auction chennai me hoga. Lekin is auction se pehle kai bade khiladiyo ne IPL se apna naam jo hai wo wapas le liya hai.
Jisme England Cricket Team ke caption Joe Root ka naam bhi hai aur Australia ke tez gendbaaz Mitchell Starc ka naam bhi shamil hai.
Aiye aapko dikhate hain wo kon kon se khiladi hai?
Jinhone is auction se apna naam wapas le liya hai. Aur ye saaf kar diya hai ki weh is saal IPL 2021 ka hissa nahi honge. Isme Joe Root aur Mitchell Starc ke alawa bhi kai bade khiladiyo ka naam bhi shamil hai.
IPL 2021 ki nilami ki prakriya suru hone wali hai. Jiske liye BCCI ne 1097 khiladiyo ki list zaari ki hai. Toh wahi aise bhi kuch videshi khiladi hai jinhone khud ko is nilami se dur rakha hai. Darasal ye videshi khiladi is saal khud ko is IPL 2021 se dur rakh rahe hain, aur inhe is nilami me hissa nahi lena hai.
List of 5 Cricketers not going to participate in this seasons' IPL 2021 -
Kaun hain wo khiladi? Aiye dekhte hai.
1. Mitchell Starc
Australia ke tez gendbaaz Mitchell Starc ne ek baar fir IPL ke auction me shamil nahi hone ka faisala kiya hai.
Starc ne apna akhri season 2015 me khela tha. Uske baad se unhone IPL se doori banali. Ye ummeed ki ja rahi hai ki, Starc agar nilami me shamil honge toh unke upar kai teams kaafi moti rakam kharch kar sakti hain.
Halanki Mitchell Starc ki haliya pradarsh bhi kuch khaas nahi rahi hai. Aur India ke khilaaf khele matcho me, wo apni laih ko haasil karne ke liye joojte nazar aye.
2. Joe Root
England test team ke caption Joe Root bhi un khiladiyo me shamil hain jinhone IPL 2021 auction se dur rehne ka faisala liya hai.
Root ki pehchaan test batsman ke taur par ki jaati hai. Yehi reason hai ki koi bhi franchise unke upar daav lagane se pehle kai baar sochti hai.
Root ne halanki khudko is fatafat league se dur rakhte huwe, nilami ke liye apna naam nahi bheja hai.
3. Tom Banton
England ke ubharte top order batsman Tom Banton ne is IPL 2021 me apna naam na bhej kar har kisi ko chaukaya hai.
Banton ko pichle saal Kolkata Knight Riders ne apne team me shamil kiya tha. Lekin unko zada matcho me khelne ka mauka nahi mila tha.
Piche 1 saal me Banton ne apne T20 pradarshan se har kisika dhyan apni taraf khichaa hai. Nilami me unka na hona kaafi hairani bhara faisala hai.
4. Harry Gurney
Pichle season chottil hone ke baad, bahar ho gaye Harry Gurney ne bhi is saal IPL 2021 auction ke liye apna naam nahi bheja hai. Gurney KKR ke team ki taraf se khel chuke hain. Aur akhri season bhi unki team ka hissa the.
Gurney ki ginti England ke best T20 ballers me ki jati hai. Aur Big Bash League me bhi unka pradarshan kamal ka rehta hai. Gurney tez gati ke sath, acche line aur lenght gendbazi karne ke liye bhi jane jate hain.
5. James Pattinson
Pichle season Mumbai Indians ki taraf se shandaar gendbazi karne wale Pattinson ne is saal IPL se dur rehne ka faisala kiya hai. Pattinson un khiladiyo me shamil hain, jinhone auction ke liye apna naam nahi bheja hai.
Mumbai ke team ne is saal James Pattinson ko release kar diya tha. Australia ke tez gendbaaz ne akhri season Mumbai Indians ko champion banane me Trent Boult aur Jasprit Bumrah ke sath milkar ahem bhumika nibhai thi.
Toh ye the wo 5 cricketers jo is saal IPL 2021 Auction me hissa nahi le rahe hai.
Asha karte hain ki aapko ye blog pasand aya hoga. Agar pasand aya hai toh isse share karna na bhuleh aur apne is blog 'Yes Breaking News' ko zarur subscribe kare.
Thank you!
إرسال تعليق